The Craft Felt Tarot

注意⚠️ 成品係紙牌，唔係不織布嚟！⚠️

係咪第一眼就覺得「好colourful好得意啊！」同埋想知道「哇！係咪真係立體㗎？呢啲係布嚟㗎？」😋 嚟，睇埋落去就知㗎喇😘

Craft Felt Tarot 可能係我暫時見過最有手工勞作feel嘅牌😹 平時有勞作feel嘅牌就係collage style嘅塔羅牌！呢類風格嘅牌都係由作者一手一腳剪唔同嘅紙去拼做唔同嘅牌✂️ 但今次呢副唔係剪紙，而係剪不！織！布！🤭

哇，係咪即刻有翻晒童年回憶呢!😹 我記得細個會喺啲布畫星星/心形然後就剪佢哋出嚟！😆 同樣地作者Gianna都係咁樣默默剪，就咁剪咗78隻牌出嚟，佢剪到隻手起晒繭啊陰功🥹

咁冇啦啦佢點解會想用不織布剪副牌出嚟呢？同好多deck creators一樣，Gianna覺得傳統塔羅入面嘅Death有啲啲嚇親佢，佢就心諗「如果Death呢隻牌可以溫柔少少就好⋯」 最後佢就拎起不織布開始剪，同埋畫下每隻牌嘅構圖喇！😙 如是者，佢喺一年半內不斷做research、剪布、畫圖、brainstorm等等，最後又特別又可愛嘅Craft Felt Tarot 就誕生喇！🥳

正正就係因為製作過程特別地用咗布，所以呢副牌嘅顏色係鮮艷得嚟唔會令到對眼痛嘅😹 而最最最特別嘅係副牌營造出嚟嘅立體感，真係好amazing！！！明明都只係印喺紙上面，但就係望落就好似見到啲不織布本人😹

雖然呢副牌都跟得好貼傳統偉特，Gianna都有改改某啲牌嘅圖去突出佢哋嘅牌義，所以有啲牌嘅構圖比起傳統偉特簡單啲！例如係Wheel Of Fortune🎊 作者用咗扭蛋機嚟取代原有嘅「輪」，即使冇咗命運之輪嘅輪，個扭蛋機都表達到呢隻牌嘅變幻同命運意思！🥰 

最後就係！作者係特登唔加titles，淨係保留羅馬數字！court cards 方面都係，所以page會由P嚟代替😆 唔加Titles嘅原因係希望保留多啲想像空間俾大家去解讀！

Photos：@Gianna_lucci