【預訂】魔法寓言牌

預計12月中到貨🎶（現貨就唔係呢個價喇XD）

嚟自台灣嘅《魔法寓言牌》係一副由淺入深嘅字牌oracle！點解咁講？！🤤
因為每隻牌除咗最直接嘅message之外，仲包含行星，月相同星座符號！♈️

「如果我唔識呢啲符號係咩意思嘅話仲用唔用得㗎？」
梗係得啦！！！因為：
1️⃣：呢副牌嘅message好直接而且容易理解，睇得明中文就用得XD
2️⃣：說明紙仔有齊唔同符號嘅意思hehe，所以唔使擔心唔明！（下面會再講多啲）

啱先講到，說明紙仔入面有寫齊唔同行星、月相同星座嘅keywords，只要好似重組句子咁將佢哋連埋一齊就補充到上面嘅文字訊息！🌛 事關呢啲符號+佢哋嘅解釋其實都係延伸緊牌上面嘅message XD 🧚

🪐行星符號：小魔法行動
♉️星座符號：個性/生活提醒
🌓月相符號：當下能量啓發

就咁講未必明，等我舉個例子啦XD 其中一隻牌係「正完成一個循環，新的篇章即將展開」

呢隻牌嘅符號分別係：
冥王星 —> 丟掉不要的物品，象徵重生🎉
滿月 —> 收穫與感恩😆
天蠍 —> 深入思考，勇於轉化🔄
《組合埋一齊可能就係講緊需要斷捨離，多謝某啲人事物嘅出現等等！不過點解讀都好視乎問題同解讀者XD》

🩵呢副牌有好多用途㗎，你可以：
1） 抽一隻牌，問宇宙有咩建議等等👂🏽
2） 當佢係塔羅咁抽三隻牌，睇【當下建議x建議行動x未來可能】♥️
3） 做儀式前抽牌睇下有咩啟示/建議～🕯️
4） 內在覺察/冥想/journal嘅時候抽一隻牌做當日主題✍🏽
5） 配合塔羅牌/oracle/其他工具都完全冇問題🔮

P.S. 我自己用完覺得真係好準，配合埋唔同符號可以多角度啲睇真係全面好多！有行動建議真係好好(⁎⁍̴̛ᴗ⁍̴̛⁎)

Creator：月相女王 巫之俓（@azusa_excellent）