【飛天小女警塔羅牌💗】The Cartoon Arcana ✨💫（30/10晚截單😆）

💖 超級早鳥優惠｜只開一團！｜30/10 截單！💌
【如果選擇Payme/FPS/銀行轉帳優惠價（HK$385），但最後使用信用卡/Paypal付款，需要補回HK$10差價先可以確認訂單～】
今次真係難得可以做到咁靚嘅價錢！因為作者好好咁俾咗特別優惠，但係就要月尾前order！所以我哋會喺 31/10 正式同作者落單😆 心動不如行動，因為淨係會開呢一團，都唔會預好多現貨！截單後就會變翻$435🥹💗 
------------------------------------------------------------------------------------------

我唔係眼花啊嘛，竟然有飛天小女警做主題嘅塔羅牌！？😱 係我嘅童年回憶啊嗚嗚（因為我真係好鍾意睇電視哈哈），相信都係好多人嘅童年回憶😭

Juanjo本身好鍾意將塔羅牌同pop culture融合，之前有畫過一副Mean Girls主題嘅，又試過Coraline主題嘅，今次係飛天小女警真係好有驚喜！😭 其實我自己都幾鍾意呢啲同其他主題 crossover 嘅塔羅牌，一來可以滿足下自己嘅收藏慾，二來又可以睇下作者點樣將唔同角色同情節融入塔羅牌入面 XD

其實呢個過程真係一啲都唔簡單㗎！因為好考作者對角色、劇情同塔羅牌本身嘅理解。如果角色/劇情同塔羅牌原本嘅牌意唔夾，咁到時解牌究竟應該跟返塔羅牌嘅牌義，定係跟套戲嘅setting好呢？🤣 所以作者唔單止要好熟悉塔羅牌，仲可能要將套戲翻煲好多次先可以諗到點樣將兩者自然咁結合📺 諗好晒每張牌點樣設計之後，仲要親手逐張畫出嚟，真係唔簡單啊！！😭

雖然而家作者冇透露好多牌，但係暫時見到泡泡Bubbles係The Fool，好襯佢傻更更嘅性格！😆花花Flowers係Justice，因為佢真係成日都好似大家姐咁睇住佢哋，同埋要衡量好多事！另外我好鍾意市長秘書Miss Bellum 做The High Priestess！佢由頭到尾都冇出過樣，當市長倒瀉籮蟹嘅蟹時候就默默幫佢處理晒所有麻煩，十足十女祭司神秘、冷靜同智慧嘅形象😎

我自己一直都好鍾意Juanjo嘅作品，一來每次design都好有創意又好夾塔羅牌本身嘅意思，二來就係成日都會有啲 bling bling 嘅燙金細節，所以佢出嘅牌都好啱收藏hehe✨

同埋！我覺得呢副牌唔一定要識塔羅先值得買/先買得！如果你本身就係飛天小女警fans，純粹當佢收藏品都已經好開心😻！每一隻牌應該都會勾翻起好多回憶xd 根據我嘅經驗，我每次睇呢啲crossover類型嘅牌我都係會笑同感歎，覺得作者諗到用呢個情節好勁！😱 如果你又咁啱鍾意塔羅牌，咁就正上加正啦🤣

Photos：enjoymycake