5色人格自我內言卡

話說我有次心血來潮用咗副affiramtion deck做journaling，原本覺得應該都冇咩好寫，點知我寫咗個幾鐘🤌🏽 唔寫都唔知自己諗咗咁多嘢，有咁多唔同嘅情緒👓 慢慢寫，慢慢睇清自己嗰陣嘅狀態同內心世界，寫完就開始重新set目標同實行方法，而家睇翻都覺得咁樣梳理完真係清晰咗好多！清晰咗情緒又會穩定啲啲！所以如果唔知點開始，牌卡就係好好嘅工具去引導你發掘內心真正諗法👯 

講翻呢副牌有咩咁特別，同埋佢點樣幫我哋自我對話先🤪
1️⃣ 每句金句，每隻牌都係透過「大五人格」嘅五個面向去設計🎨
當我哋其中一個面向嘅「量」特別多嘅時候，就會比屬於嗰個面向嘅牌吸引！而牌嘅背脊都會有對應嘅英文字母，透過呢個引導方法令我哋多方面了解自己同當下嘅狀態🧘🏽‍♀️

【係咪仲係有啲唔明呢副牌究竟點樣融合心理學嘅Big Five Personality Traits呢？🌞】

其實呢副牌有個特別玩法去令我哋更加了解自己！首先揀（唔係抽！）5-10隻你覺得好有feel好中嘅牌，然後睇下佢哋嘅背脊嘅英文字母🔠
揀完就去睇guidebook！搵翻對應嘅英文字母，跟住就會見到一個表📊 搵翻你啱啱嘅牌，再睇下呢隻牌代表嘅「狀態/強度」 🩵

無論反映出嚟係高定低都唔緊要！因為呢個表唔係用嚟測你勁唔勁🙅🏽‍♀️，佢嘅目的係反映你而家/喺呢件事嘅狀態，等你透過文字同圖像【理解自己】 🫂 其實知道完未必即時解決到面對緊嘅問題㗎，但係呢個自我對話嘅過程可以學習接納到自己嘅情緒，同時更留意自己嘅（情緒）需求，之後再搵方法改善都唔遲吖✨
小知識🔍：大五人格理論，又稱為人格的海洋（O.C.E.A.N）✨
O - Openess，C - Conscientiousness ，E - Extroversion，A - Agreeableness ，N - Neuroticism

2️⃣ 插圖療癒！可愛！Colouful！😆
每隻牌都係唔同嘅狗狗，而每一種狗狗都展現出唔同嘅人格特質🐶 知道大家都係中意色彩繽紛同鮮豔啲嘅牌，所以呢副都應該好啱你哋XD 想知有咩得意狗仔就要等你哋收到副牌先知喇hehe

3️⃣ Message直白又易明！
唔好以為佢得個樣係可愛啊，其實佢仲好有內涵㗎XD牌入面嘅金句中英對照之餘仲有分惡魔牌同天使牌🪽

天使牌👼🏼： 「送光同愛比你！送光同愛比你！」，惡魔牌😈：「呢啲唔係mean，我講真話之嘛！」
-> 天使就係心靈雞湯style，惡魔牌就會有啲負能量同毒舌feel😹 無論係天使定惡魔牌，每一句都可以link到生活中唔同嘅小片段，所以抽嘅時候應該會好有共鳴！

咁點解要分兩個版本？因為每個人受激勵嘅方式都唔同，可能有啲人唔中意love and light，反而比人mean下，直接講個事實出嚟先幫到佢😹 

最後送上吳典衡心理諮商師嘅一句說話🌱
「看見自己的強項或弱項從來都不是要我們臣服於自己的慣性，而是讓我們有意識的嘗試平衡這些能力。」

Photos: @doggo.studio