色彩反映卡

雖然今次嘅改動都大，但冇變嘅係佢仍然係一副好colourful嘅牌🪻呢副牌仲好啱啲對顏色好敏感嘅朋友✨

相信有見過上一版嘅朋友一睇就知今次改版改咗啲咩，不過我都講講有咩唔同咗先xd 去下面睇多啲啦！

✧ 副牌個size細咗，啱哂手細嘅朋友xd 
點解會細咗咁多呢？因為作者將keyword同引導語搬晒入指導手冊～ （下面再講點解佢會咁做🌻）
✧ 承上，少咗啲字就可以更直覺咁解讀副牌☘️
✧ 多咗一隻「多彩色」！但因為作者賣關子嘅關係，所以呢隻牌要收到先知係咩樣😹
✧ 某啲牌有重新畫過而且文字都有輕輕執過！（好有心思🥹）

〰️應該好多人都想知，究竟點解作者要搬走晒啲字呢？〰️


☞ 保留解讀嘅自由性 
上一個版本推出之後周不時都會有人同作者講「我抽咗牌，但係我唔係好明啲字係咩意思同點解咁樣寫🤔」  作者就明白到大家嘅生活背景、文化、觀點都唔一樣，所以唔係個個都接收到牌上面嘅文字/祝福/訊息～ 而過多嘅文字都會影響到使用者嘅解讀&同內在連結嘅過程👓 可能你睇紅色會link到去危險，我見到紅色會諗起熱情，所以冇咗啲字就可以容納更加多解讀可能性🌈



☞ 更多感受同連結自己，找出內在的真實
好多時（特別係新手）都會見到有字就會睇咗字先，然後睇圖，甚或乎直接skip咗幅圖🥸  作者當初設計呢副牌嘅原意係為咗令大家同自己嘅身體有所連結，而感受自己係一個好重要嘅過程🫀 所以今次副牌專住喺感受、連結、引導，協助自我對話🧘🏽‍♀️ 而手冊就清晰咁講呢個色彩嘅含義，令我哋覺察受苦嘅地方喺邊🌻

另外作者有拍到條片介紹生命之花卡（佢嘅另一副牌xd）同新色彩反映卡新版同佢哋嘅用法！Link喺到（https://reurl.cc/77LnRl）

原本仲想打埋自己用上一版嘅小小用後感，但發現都已經好多字了，所以之後再分享xd 想睇就同我講啦hehe🤪

Photos: @ginahsiaoo