神貓指引卡（送神貓儀式布！）

經過非正式統計呢，我發現搵我買牌/呢到嘅followers最中意嘅動物第一位係貓貓🐱，第二位就係兔仔🐰 如果你都中意貓嘅話，呢副牌應該都好啱你😎 叫得《神貓指引卡》，隻隻牌都真係有貓㗎！貓～全部都係貓😆 呢個手繪畫風嘅貓貓望落好有質感，多咗份親切同溫暖啊喵！！😽

好開心同榮幸可以成為 @happycat________ 嘅第一位海外經銷商😭♥️ 希望你哋會中意呢副神貓指引卡😆 

召喚所有貓奴（我都舉埋手先xd）同中意用oracle嘅朋友！！ Follow得耐嘅老友都知我唔係成日介紹oracle，特別係中文嘅oracle😹 點知比我遇上呢副Q得嚟又好過癮嘅貓貓牌🤭

平時見得最多嘅oracle都係一幅圖，再加啲keywords或者一段字喺底，就咁講都好有畫面🤣 呢副oracle就好鬼馬喇，佢唔單止有圖有title，佢喺幅圖下面仲有針對工作，感情同財務嘅運程/建議！🤩 有啲似報紙嗰啲「今日運程」或者有啲似OK紙巾嘅「今日幸運指數」⭐️ 所以當你read牌嘅時候，睇圖/title先又得，睇下面啲字又得😼 不過最重要嘅都係用心感受隻牌同信自己嘅直覺！ 🤪

講多少少入面啲牌先！佢好得意地得頭22隻牌係有數字嘅（淨低嗰啲牌都冇㗎！），十足十塔羅😙 呢22隻牌叫主角卡，其中有12隻牌係對應12星座嘅～ 如果成日抽到主角卡就代表你問緊嘅事對你意義重大😌 淨低嘅34隻牌就叫配角卡，咁仲有一隻係咩嚟啊？🧐 好話喇，就係叫「天機卡」！佢係一隻牌面同背脊都一樣嘅牌，抽到佢就代表「老天爺對你另就安排！」😂 不過其實我覺得你中意點解呢隻牌都得嘅xd

一共有57隻牌，個盒好大好靚㗎！Size就大過傳統塔羅啲啲，係8.5cm x 15cm🔖 有中文guidebook㗎，所以唔怕唔識用！呢副牌個盒都好fancy，佢係用一個書盒裝住副牌同本guidebook，超靚！🫶🏽 而副牌就再用個紙盒裝住， 咁就可以方便帶出街用喇！🤟🏽 真係要講埋佢除咗個背脊畫咗隻貓+ bow tie，佢牌面嘅框框位都畫咗貓耳仔同眼，勁有心思！！😻

Photos: @happycat________ //Facebook專頁：神貓嘿皮社