大地的喜悅之籽牌卡

啊啊啊啊啊（開心叫）！！成日比你哋問會唔會訂啲得字嘅中文牌，每次都解釋唔係我唔想訂啊，而係冇一副嘅字體同design睇得啱🥹 然後，終於比我揾到副又靚又有feel㗎喇！😋

呢副喜悅之籽靚（同正）到都唔知邊到講起好😙 一於由佢個主題介紹先啦！副牌係以種籽生長破土過程象徵人生唔同嘅階段🎡 一共分咗五個階段 ——— 播種，灌溉，生長，開花，死亡與重生；每個階段都會有唔同嘅體驗，所以作者阿奈希望透過佢嘅文字陪伴大家，帶溫暖，力量同正念比大家！如果想了解多啲阿奈同佢嘅理念/作品，可以去zeczec或者睇佢ig，佢畫嘅畫都好靚🫶🏽

每個階段嘅牌都會有對應嘅背景顏色，而喺底都有寫翻嗰隻牌對應嘅階段🌻 可能呢個小資訊對解讀會有另一翻體會/感受，例如知道自己當下屬於邊個階段xd 另外，每隻牌都係中英對照，咁就可以簡個有多啲共鳴嘅version去了解入面嘅message。而中文字更加係作者阿奈嘅手寫字體，真係超有溫度！！😆

重點來了，喜悅之籽嘅shape唔係平時嘅長方形，而係好特別嘅形狀卵石🥌（一開頭以為係種籽型哈哈）而且不論係牌嘅前面定背脊都好靚好舒服㗎喵！！而入面嘅message除咗係一啲嘅指引/提醒，仲會有affirmation嘅句式，有啲就會以問題嚟鼓勵大家反思！

我好中意阿奈透過文字將我哋嘅心同大自然連起🍃 因為當佢介紹可以點用呢副牌嘅時候，其中一個方法係將有感覺嘅牌重複寫/貼喺成日望到嘅位置，將佢「播入潛意識的心田發芽」🪺

Photos: @kumud.coexist