Polly’s Fantasy World 2.0 (Regular) 奇幻之旅：Polly的貓咪塔羅王國2.0（標準）🐈

除咗得意之外，我都唔知點介紹佢好，因為得意係大晒㗎哈哈哈！！每隻喵都好似棉花糖咁，所以我決定叫佢棉花糖喵XD 每次睇到副牌都好想咬落去 :3（其實平時都好想咬自己啲貓，貓奴一定明！🥹）

其實呢副牌仲有個好嘅地方就係佢大部分牌都真係好似傳統偉特🤪 不過佢嘅貓貓都比傳統偉特嘅人物大隻，所以啲貓都係迫爆啲牌哈哈，變相有啲牌係cut咗啲啲背景/符號🧚🏻‍♀️ 另外衣着方面雖然大致跟偉特，但感覺上某啲牌作者只係畫咗最幫助表達到牌義嘅衣着出嚟👗 所以有啲牌貓貓們係冇着衫，有啲又有😙 （不過放心，我覺得宮廷牌係畫晒出嚟咁滯XD）

顏色都會比傳統偉特明亮同鮮豔，因為成副牌用得比較多唔同shade嘅藍色同黃色，所以我個人覺得佢嘅顏色對比冇傳統偉特咁明顯㗎！ XD 加上呢副牌整體嘅顏色都係偏淺色，所以就算係Ten of Swords 或者係其他本身顏色dark啲嘅牌，望落都即刻冇咁dark (⁎⁍̴̛ᴗ⁍̴̛⁎) 點都好，有得意貓貓加持，成件事就係kawaii🤤 （咦押韻嘅？！）

講到得意⋯⋯Wheel of Fortune 同埋 The World 真係激死我，點解可以咁QQ！你哋睇下，呢兩隻牌四個角落嘅動物都係棉花糖咁㗎ಥ_ಥ 仲有Death嗰隻馬都係Q到傻！😭😭

 一共有兩個版本，標準同典藏！雖然上面啲圖有整個table比較佢哋，但係我都照講下啦😆

正常版有銀邊，size 係 7 x 10.5 cm，會細過平時嘅塔羅牌啲啲！典藏就有藍色邊，牌面同背脊都有燙金！好靚但係size 係 7.5 x 11.2 cm～ 所以手細嘅朋友可能會掙扎下哈哈🙂‍↕️

嗱，我覺得都幾難揀，所以我覺得買晒兩副啦哈哈哈，事關早鳥bundle先係$300咋✨✨

Creator/Photos： dodowo朵朵窩